ليه عزيز دمعي تذله كل ساعة بين يديك بعد صبر العمر كله واشغال قلبي عليك مش حرام والله حرام
شوف دلالك زي كيفك دي الحلاوة في الدلال بس خلي لعين تشوفك يوم وتفرح بالجمال ليه تكايدني وطيفك حرم الجفن المنام
أعمل ايه والحب ساكن مهجتي والوجد زاد والقوام عادل ولكن حكمه قاسي ع الفؤاد كل ده والقلب صابر وانت هاجر يا سلام مش حرام والله حرام
الغرام آمر وناهي حتى في أحلام شبابي حلم يفرحني خيالك فيه وحلم يزيد عذابي وانت ساهي وعني لاهي حتى ما تبعت سلام مش حرام والله حرام
_______________
لغة الزهور
الورد جميل وله أوراق عليها دليل من الاشواق اذا اهداه حبيب لحبيب يكون معناه وصاله قريب شوف الزهور واتعلم بين الحبايب تتكلم شوف واتعلم والنرجس مال يمين وشمال على الاغصان بتيه ودلال عيونه تقول معانا عذول تعالى بعيد عن العزال شوف الزهور واتعلم بين الحابيب تتكلم شوف واتعلم يا فل يا روح يا روح الروح من شم هواك عمره ما ينساك لكل جميل تقول بلغاك حبيب مشتاق بيسناك شوف الزهور واتعلم بين الحابيب تتكلم شوف واتعلم شوفوا الياسمين جميل نعسان حلى النوم على الأغصان بكل حنان تضمه الايد وبه تزدان صدور الغيد شوف الزهور واتعلم بين الحابيب تتكلم شوف واتعلم
_______________
ينوبك إيه من تعذيبي
ينوبك إيه من تعذيبي ودمع عيني حرام عليك ليه يا حبيبى حن علي
ياما شكيت من كول النوح سهرت الليالي يا نور العين ياما بكيت يا حبيب الروح لكن أجيب الصبر منين عليل ضناه قلبه المجروح حرام عليك يا حبيبى حن علي
خايف يطول هجرك في وأعيش غريب عنك وحدي وتفرح العذال في يا ريت تشوف اليوم وجدي حبيب ضناه قلبه المجروح حرام عليك يا حبيبى حن علي
أبات أفكر فى منامي واقول يعود عطفك تاني ما لقيت يا روحي غير أوهامي ولا سمير غير ألحاني عليل ضناه قلبه المجروح حرام عليك ليه يا حبيبى حن علي
تعال هني فؤادي اليوم واعطف على قلبي الحيران وخلي عينى تشوف النوم وارحمنى من كتر الأحزان عليل ضناه المجروح حرام عليك يا حبيبى حن علي
________________
حكم علينا الهوى
حكم علينا الهوى نعشق سوا يا عين واحنا اللي قبل الهوى شوف كنت فين وانا فين وآه يا ليلي آه ع الوعد والمقسوم يا ليل يا عيني آه ع الوعد والمقسوم لا تحوشه لا .. ولا آه ما بين عيون و قلوب حكم علينا الهوى نعشق سوا وندوب صدق اللي قال الهوى فوق الجبين مكتوب السعد وعد يا عين والإسم نظرة عين وانا وانت روح مغرمة كان حظها من السما واتجمعوا القلبين وآه يا سلام ع الهوى آه يا سلام سلم خلانا من قلبنا بالفرحة نتكلم وآه يا ليلي آه ع الوعد والمقسوم يا ليل يا عيني آه ع الوعد والمقسوم لا تحوشه لا .. ولا آه ما بين عيون و قلوب حكم علينا الهوى نعشق سوا وندوب صدق اللي قال الهوى فوق الجبين مكتوب الأوله .. يا أنا بنقولها تحيينا والثانيه آه يا هنا احضن ليالينا والتالته آه يا هوى سلمنا ليك أمرنا ولقينا فيك عمرنا وأجمل أمانينا وآه يا سلام ع الهوى ىه يا سلام سلم خلانا من قلبنا بالفرحة نتكلم وآه يا ليلي آه ع الوعد والمقسوم يا ليل يا عيني آه ع الوعد والمقسوم لا تحوشه لا .. ولا آه ما بين عيون و قلوب حكم علينا الهوى نعشق سوا وندوب صدق اللي قال الهوى فوق الجبين مكتوب قالوا المحبة قدر أنا قلت جمعنا والقرب تمم لنا .. وادّى الحياة معنى خلا الليل يا حبيبي يعدي .. وانا وياك ف ثواني بعدنا كان اليل وانا وحدي .. بيطوّل حرماني من حبك يا روحي نور الفرح بان وف ضلّك يا روحي حسيت بالأمان والحظ ابتسم لي وضحك لي الزمان وآه يا سلام ع الهوى آه يا سلام سلم خلانا من قلبنا بالفرحة نتكلم وآه يا ليلي آه ع الوعد والمقسوم يا ليل يا عيني آه ع الوعد والمقسوم لا تحوشه لا .. ولا آه ما بين عيون و قلوب حكم علينا الهوى نعشق سوا وندوب صدق اللي قال الهوى فوق الجبين مكتوب
ــــــــــــــــــــــــــــــــــــــــــــــــــ ـ
كل ليله وكل يوم
كل ليله وكل يوم أسهر لبكره في انتظارك يا حبيبي فكري طول الليل في ليلك والنهار كله في نهارك يا حبيبي يا ترى يا واحشني بتفكر في مين عامل ايه الشوق معاك عامل ايه فيك الحنين سهرت السهر في عنيه صحيت المواجع فيه كل ساعة وكل ليله وكل يوم بعد ما اطمن عليك ح يجيني نوم يا حبيبي قوللي إيه حلو في حياتي وانت غايب عن عينيه السهاد أنا فيه ليلاتي والبعاد طول عليه يا حبيبي أنا من كتر اللي قاسيته وداريته عليك موش بصدق اني اتحمل في يوم فرحة لقا عينيًّ بعينيك يا ترى يا واحشني بتفكر في مين عامل إيه الشوق معاك عامل ايه فيك الحنين سهرت السهر في عنيه صحيت المواجع فيه كل ساعة وكل ليله وكل يوم بعد ما اطمن عليك ح يجيني نوم يا حبيبي كل نار تصبح رماد مهما تقيد إلا نار الشوق يوم عن يوم تزيد ابعت لي قل لي انت فين لو تقدر بستني منك كلمتين مش أكتر يطمنوني حبهْ عليك وع المحبه يا ترى يا واحشني بتفكر في مين عامل إيه الشوق معاك عامل إيه فيك الحنين سهرت السهر في عينيه صحيت المواجع فيه كل ساعة وكل ليله وكل يوم بعد ما اطمن عليك ح يجيني نوم يا حبيبي كان قربك هنا وحنيه وليالي جميله هنيه طار بي الأمل بجناحه ولمست النجوم بايديه وف بعدك يا عيني عليه الدنيا بقت موش هيه وح افضل كده يا حبيبي استنى الليالي الجايه يا ترى يا واحشني بتفكر في مين عامل إيه الشوق معاك عامل إيه فيك الحنين سهرت السهر في عنيه صحيت المواجع فيه كل ساعة وكل ليله وكل يوم بعد ما اطمن عليك ح يجيني نوم يا حبيبي
__________________
أنساك يا سلام
أنساك .. دا كلام أنساك .. يا سلام أهو دا اللي مش ممكن أبدا ولا أفكر فيه أبدًا دا مستحيل قلبي يميل ويحب يوم غيرك أبدًا أهو دا اللي مش ممكن أبدًا ولا ليله ولا يوم أنا دقت النوم أيام حبك كان قلبك فين وحنانك فين كان فين قلبك أنا أنسى جفاك وعذابي معاك ما نساش حبك أنساك .. دا كلام أنساك .. يا سلام واحب تاني ليه واعمل في حبك إيه دا مستحيل قلبي يميل ويحب يوم غيرك أبدًا أهو دا اللي مش ممكن أبدًا ذكريات حبي وحبك ما انساهاش هي أيامي اللي قلبي فيها عاش فيها أحلامي قلتها وحققتها لي فيها أحلامي لسه أنا ما قلتهاش اللي فات من عمري كان لك من زمان واللي باقي منه جاي لك له أوان واحب تاني ليه واعمل في حبك إيه دا مستحيل قلبي يميل ويحب يوم غيرك أبدًا أهو دا اللي مش ممكن أبدًا كان لك معايا أجمل حكايه في العمر كله سنين بحالها ما فات جمالها على حب قبله سنين ومرت زي الثواني في حبك انت كل العواطف الحلوه بينا كانت معانا حتى في خصامنا وازاي تقول أنساك واتحول وانا حبي لك أكتر من الأول واحب تاني ليه واعمل في حبك إيه دا مستحيل قلبي يميل ويحب يوم غيرك أبدًا أهو دا اللي مش ممكن أبدًا
________________
هو صحيح الهوى غلاب
هو صحيح الهوى غلاب ما عرفش انا والهجر قالوا مرار وعذاب واليوم بسنة جاني الهوى من غير مواعيد وكل مادا حلاوته تزيد ما أحسبش يوم ح ياخذني بعيد يمني قلبي بالأفراح وارجع وقلبي كله جراح إزاي يا تري ؟ أهو ده اللي جرى! وانا ما عرفش نظره وكنت أحسبها سلام وتمر قوام! أتاري فيها وعود وعهود وصدود وآلام ! وعود لاتصدق ولا تنصان عهود مع اللي مالوش أمان صبر على ذله وحرمان وبدال ما اقول حرمت خلاص أقول يارب زدني كمان إزاي يا تري ؟ أهوه ده اللي جرى! وانا ما عرفش يا قلبي آه الحب آه أشجان والم واندم واتوب وعلى المكتوب ما يفدش ندم يا ريت أنا أقدر أختار ولا كنت اعيش بين جنة ونار نهاري ليل وليلي نهار أهل الهوى وصفوا لى دواه لقيت دواه زود في أساه إزاي يا تري ؟ أهو ده اللي جرى! وانا ما عرفش
_______________
أهل الهوى
أهل الهوى يا ليل فاتوا مضاجعهم واتجمعوا يا ليل صحبه وأنا معهم يطولوك يا ليل ويقصروك يا ليل يطولوك يا ليل من اللي بيهم وانت يا ليل بس اللى عالم بيهم فيهم كسير القلب والمتألم واللي كتم شكواه ولم يتكلم واللي قعد بعد الحبايب وحده وبات حزين يشكي هيامه ووجده يشكو ولا مخلوق سمع شكواهم إلا الكواكب فى السما سمعاهم يطولوك يا ليل بالسهد والأفكار والشمس بعد الليل يطلع عليهم نهار وبعد طول الويل تعود لهم ياليل ويقصروك ياليل فى صحبه هنيه على وتر رنان فى الصبحية فيهم ياليل خل عطف على خله ويقوله لحن الشوق وخله يقول له ويقصروك ياليل على هنا وسرور والشمس بعد الليل يطلع عليهم نور ويسألوك ياليل امتى تعود ياليل ناس من قلوبهم تقول ياليل وناس على الأرغول تقول ياليل واحنا معانا بدر طالع فى ليلة قدر فيها حبيب القلب وافا ووفى الندر هو يقول ياليل واحنا نقول ياليل وكلنا بنقول ياليل أهل الهوى ياليل
نبض الاحساس مشرفه قسم الحياه الزوجيه
عدد المساهمات : 1145 نقاط : 1454 السٌّمعَة : 9 تاريخ التسجيل : 22/04/2009
موضوع: رد: أغانى السيده ام كلثوم الإثنين مايو 04, 2009 11:08 am
الآهات
أه من لقاك فى أول يوم ونظرتك لي بعنيك خاصم عيوني ليلتها النوم وبت اسأل روحي عليك يا هل ترى راح يعطف على فؤاد متلهف تقول لي روحي آه وارجع واسأل عقلي هوه الزمان حيروق لي آه آه آه واقول لقلبي يا قلبي حبه يعادل حبي يقول لى قلبي آه العقل يا ربي ضايع ومتبدد والقلب فى جنبي يسكت ويتنهد آه من لقاك فى أول يوم ومن رجايا ومن حبي آه وآه لما بلغت آمالي وفرحت بك والجو صفالي ومليت كاساتك وسقيتها لي آه من حلاوتها آه من قساوتها اشرب إيدي كاس يرويني واشرب بإيدك كاس يكويني بات السرور كله بينى وبينك متقسم والزهر ويانا ينظر لنا ويتبسم والطير يغني لي والموج يقول وياه آه يادي النعيم اللي وجدناه واللي دخلنه آه وآه لما منعت ودادك والانس ده اتبدل ببعادك غالطت حسادي وحسادك اصبر واتظاهر بالفرح والبهجة والصبر فى الظاهر والمر فى المهجة تعالي شوف الطير اهو نام من قبل وقت النوم فى ظلام واتبدل الزهر البسام لا عطر ينعش ولا أنغام دا الانس كان انت والانسجام انت والزهر كان انت والابتسام انت ما احسبش دا كله فى يوم يضيع مني واجرى ورا ظله اللي ابتعد عني ما تقول لى فين انت آه يا للي اسست وهديت آه يا للي عمرت واخليت آه يا للي اضحكت وابكيت آه من رضاك وصدودك آه
____________________
أنا وانت ظلمنا الحب
أنا وأنت .. ظلمنا الحب ظلمنا الحب بايدينا وجنينا عليه .. وجرحناه ما داب حوالينا ما حدش كان عايز يكون أرحم من .. التاني ولا يضحي عن .. التاني وضاع الحب .. ما بين عند قلب وقلب ضاع الحب .. ودلوقت لا انا بنساه ولا بتنساه ولا بتلقاه .. أنا وانت أنا وانت ظلمنا الحب بالغيره وجبنا للظنون سيره وقطعنا الأمل مرات قصاد الشك والغيره وكان الحب بينّا كبير صغر لما ابتدينا نغير وبردت نار وقادت نار وبرضه مشينا في التيار أنا وانت أنا وانت .. نسينا نتعاتب ونتصارح وعز عليك تسيب العند وتسامح وعز علي أكون البادي واتصالح وأصبح كل يوم بينا يفوت أصعب من امبارح نسينا رقة العاشقين قسينا واحنا مش داريين نسينا ازاي كده نسينا وايه ده اللي جرى لينا أنا وانت أنا وأنت اللي كنا زمان أحسن اتنين واحب تنين وكان أكبر خصام بينا يدوب في يومين يا دوب في يومين خصامنا ليه النوبه دي زاد وخلّى الخطوه بينَّا بلاد فرقنا على طريقين وضاع الحب ضاع وضاع الحب ما بين عند قلب و قلب ودي الوقت لانا بنساه ولا بتنساه ولا بنلقاه أنا وانت
_______________
للصبر حدود
ما تصبرنيش بوعود وكلام معسول وعهود انا يا ما صبرت زمان على نار وعذاب وهوان واهي غلطة ومش ح تعود ولو ان الشوق موجود وحنيني إليك موجود إنما للصبر حدود .. يا حبيبي صبرني الحب كتير وداريت في القلب كتير ورضيت عن ظلمك لكن كل ده كان تأثير والقرب أساه وراني البعد أرحم بكتير ولقيتني وانا بهواك خلصت الصبر معاك وبأملي أعيش ولو أنه ضيع لي سنين في هواك واهي غلطه ومش ح تعود أكتر من مره عاتبتك واديت لك وقت تفكر كان قلبي كبير بيسامحك إنما كان غدرك أكبر أكبر من طيبة قلبي أكبر من طولة بالي أكبر من قوة حبي مع كل الماضي الغالي ولقيتني وانا باهواك خلصت الصبر معاك وبأملي با أعيش ولو أنه ضيع لي سنين في هواك واهي غلطه ومش ح تعود ما تصبرنيش ما خلاص أنا فاض بيه ومليت بين لي انت الإخلاص وانا أضحي مهما قاسيت دا ما فيش في الدنيا غرام بيعيش كده ع الأوهام والحب الصادق عمره عمره ما يحتاج لكلام ولقيتني وانا باهواك خلصت الصبر معاك وبأملي باعيش ولو انه ضيع لي سنين في هواك واهي غلطه ومش ح تعود ولو ان الشوق موجود وحنيني إليك موجود إنما للصبر حدود يا حبيبي
________________
وقفت أودع حبيبي
وقفت أودع حبيبي والدمع حاير في عيني أكتم أساي ونحيبي خايف تبان له شجوني أصعب عليه واشوف عينيه فيها الأسى والحنين يخونني صوت الانين أقول له ع اللي ضنى حالي لما خطر بعده ف بالي بدي أملي العين منه من قبل ما أبعد عنه حرمت روحي في عز نوحي يشوف دموعي بتشكي له نار الأشواق يسمع لساني بيحكي له وجد المشتاق ودعته من غير ما اتكلم وفته الروح بتسلم لما بعدت عنه قليل حبيت أشوفه قبل الرحيل بصيت وراي أبكي هواي لقيت خياله من بين دموعي عمال يغيب والكون مرايه فيها أساي والشمس رايحة تبكي معاي وقت الغروب صعبان عليها فراق الكون ساعة ما ودعت حبيبي هي حزينه وقلبي حزين فايت من الدنيا نصيبي يا طير يا ساري ساعة المغيب راح تلاقي أنس وحبيب تقابله بين الغصون والليل نسيمه عليل وتزيد عليك الشجون تنعم بنجوي الخليل تناغيه، تداويه وانت مهني وانا روحي فيه ويبعد عني
لغيرك ما ممدت يدا
لغيرك ما ممدت يدا وغيرك لا يفيض ندا
وليس يضيق بابك بي فكيف ترد من قصدا
وركنك لم يزل صدا فكيف تذود من وردا
ولطفك يا خفي اللطف إن عادى الزمان عدا
على قلبي وضعت يدا ونحوك قد مددت يدا
سرى ليلي بغير هدى ولا أدري لأي مدى
يطاردني الأسى أبدا ويرعاني الجوى أبدا
نهاري والهجر لظلي وليلي والظلام ردي
فوا كبدا إذا أضحى وان أمسى فوا كبدي
وليس سواك لي سند فانت الأهل والسند
_________________
ياللي جفيت ارحم حالي
ياللي جفيت ارحم حالي حرام عليك تشغل بالي
وهبت لك قلبي وروحي ورضيت ذلي وليه تزيد اسباب نوحي ترضى تقول لي الهجر ليه حينوبك ايه من العذاب اللى جرالي حرام عليك تشغل بالي
هجرتني والهجر حرام وانا كان مالي وكل ما تفوت الايام تشغل بالي هوه دلال والا ملال والا الفؤاد اصبح خالي حرام عليك تشغل بالي
إيه اللي غير احوالك ونسيت ودي دا قلبي دايما يصفي لك ما تصون عهدي ليه البعاد فين الوداد دا العطف منك يحلالي حرام عليك تشغل بالي
تصد عنى وتهجرنى واكلمك تهرب مني وان غبت يوم تسأل عني واعرف هواك ساعة لقاك من طول جفاك دا اللى يحب يبان ف عنيه مادام تحب بتنكر ليه
هوه انت خايف من قلبك يفتن عليك ويبان حبك تغضب على ساعة قربك وتشوف عنى راضية الاسيه تعطف علي و اللى يحب يبان ف عنيه مادام تحب بتنكر ليه
لو كنت عايز تراضيني وتصالح النوم على عيني كنت اشتكيلك تواسيني عنيك تداري وافضل اجارى والقلب داري واللى يحب يبان ف عنيه مادام تحب بتنكر ليه
لكن فؤادك يهوان واعرف هواك من وجداني هوه انت تقدر تسلاني وانا بين ايديك اشكي اليك واشوف عنيك و اللى يحب يبان ف عنيه مادام تحب بتنكر ليه
_______________
حيرانه ليه يا دموعي
حيرانه ليه يا دموعى بين الجفون وانت يا ساكن ضلوعي ليه الانين الوقت صافى وحبيبى والحب راضين على وليه بكاى ونحيبي وليه مدامع عنى حملت كتير الأسيه ورضيت بهجره وجفاه ولما عطف علي ما قدرتش احمل رضاه اخاف يكون الغرام سقاه من اللي سقاني اقاسي ذلى وضناه واحمل هوانه وهواني دموعي اعرف مداها وقلبي افهم انينه واجهل دموعه وقلبه ما اعرفش مقدار حنينه ابكى يا عيني ونوح يا قلبي بينك وبينى حيرني حبي يغضب عليك الحبيب تحرم جفونى المنام ويطول عليك النحيب وانت سعيد فى الغرام
________________
الضحيه
يا للي صنعت الجميل وكنت أوفى خليل أفديك بروحي انا كنت في الدنيا لوحدي من غير نصير رحمت آلامي ووجدي وانت السمير أشكي اليك يصعب عليك يخف نوحي واقول لروحي يا نسمة روحي قولي لخليلي أفديك بروحي والود بيننا اتصل والقرب بين القلوب يحي دواعي الأمل بين الحبيب والحبيب كانت حياتي خيال وكان شقاي أليم صورت فيها الجمال وشفت فيها النعيم لما بدا لي لطفك بحالي يا للي رعيت الوداد وسمعت نجوى الفؤاد أفديك بروحي جنت علي الليالي وطال علي الأنين الماضي يخطر ببالي يخلي قلبي حزين كان لي حبيب اشتكي له يعطف على القلب المجروح مقدرش أنسى جميله اشتاق اليه وافديه بالروح يا دمعة بوحي يا نسمة روحي قولوا لحبيبي افديك بروحي
__________
يأس و أمل
منيت شبابي بالنعيم ويا الحبيب اللي فؤاده يعطف علي وقلت يمكن في الحياة لي نصيب يتمنى قلبي وتشوف عني ما شفت غير طيف الأحزان ما سمعت غير لحن الأشجان اشكي لروحي من كتر نوحي الدمع في عني حيران والباكي طول الليالي سهران امتى يا ربي يتهنى قلبي أشوف خيال الهنا أسبح في جو الأماني يا ريت أنال المنى والقلب فرحان وهاني أبلغ مرادي واسعد فؤادي واسعد حياة اللي رعيته واللي رعاني يا رب تصدق اوهامي يا رب حقق أحلامي
__________________
يا نسيم الفجر
يا نسيم الفجر ريان الندي ما الذي تحمل من دار الحبيب فرح الكون يلقياه غدا والأسي غيمان فى عين الغريب غرد الطير وغنى كل ألف يتهنى وأنا قلبى حنا أرسل الشكوى وأنا آهة تترى مقلة حيري تبصر الأحباب من بين الدموع رائح منهم وغاد وترى بالظن أيام الربيع لخيالى وفؤادي يا نسيم الفجر ناديا بالزهر رنم الدوح ورن الجدول وسرت فى الجو أنفاس العبير وبدا النور فصاح البلبل داعيا للشدو أسراب الطيور والنجوم فى الغيوم لبست منها نقاب والشفق في الأفق لونه ورد مداب كل ما فى الكون بشر وهنا وأنا ؟ أنا مازلت غريبا مفردا فى ديار عزني فيها النحيب فرح الكون يلقياه غدا والأسي غيمان فى عين الغريب
________________
نبض الاحساس مشرفه قسم الحياه الزوجيه
عدد المساهمات : 1145 نقاط : 1454 السٌّمعَة : 9 تاريخ التسجيل : 22/04/2009
موضوع: رد: أغانى السيده ام كلثوم الإثنين مايو 04, 2009 11:13 am
هايم في بحر
هايم فى بحر الحياه محروم سبيل الامان مدت لي كف النجاه شفت الرضا والحنان صافحتها بالروح والعين من قبل أيدى ما تسلم وفضلت أقول نتقابل فين وأنادم الروح واتكلم عطف على الزمان من بعد حرماني جمع ما بينها وبينى وكان حديث الوفا يجرى على لسانى والود باين فى عينى ياللى حييت الغزل بالقرب من تانى نورت دنيا الأمل والقلب بات هانى طاب النسيم وانت غايب وكان فؤاد عليل والورد ثغره ابتسم وأنا دموعى تسيل والبدر لما اكتمل حرك شجونى وزاد حنينى وخلا طير الشجن ردد على الأغصان أنيني يا بدر ياللى السحاب حجب بهاك عن عيونى هداني نورك وطاب ليلى ونامت شجونى رجعت بعد الغياب يا فرحتى بالتداني كل المحاسن كتاب وانت اللى فيه من معاني
________________
سهران لوحدي
سهران لوحدى أناجي طيفك الساري سابح فى وجدي ودمعي ع الخدود جاري نام الوجود من حوالى وانا سهرت فى دنياى أشوف خيالك فى عنيه وأسمع كلامك وياى أتصور حالي أيام وليالي مرت على بالي ما بين نعميى وأنس الروح ساعة رضالك وبين عذابى وطول النوح أيام جفاك كل اللى شفته خطر ع البال وعشت فيه هايم ولهان ولما بعدك عنى طال حنيت لأيام الهجران وسهرت وحيد والفكر شريد أتصور رضاك أوهام والسهد فيك احلام حتى الجفا محروم منه ياريتها دامت أيامه كان عهد جميل حاسد وعزول والبال مشغول راحت عواذلى وحسادى وطفيت النار ياللى صبرت على بعادي وانا عقلي أحتار لايوم وصالك هناني ولاهجر منك بكاني ياطول عذابى وحرمانى سهران لوحدى اناجى طيفك الساري سابح فى وجدي ودمعي ع الخدود جاري
_____________
جددت حبك ليه
جددت حبك ليه بعد الفؤاد مارتاح حرام عليك خليه غافل عن اللى راح ده الهجر وانت قريب منى كان فيه أمل لوصالك يوم لكن بعادك ده عنى خلى الفؤاد منك محروم ياهل ترى قلبك مشتاق يحس لوعة قلبى عليك ويشعلل النار والأشواق اللى طفيتها إنت بأيديك دنا لو نسيت اللى كان وهان على الهوان أقدر أجيب العمر منين وأرجع العهد الماضي أيام ماكنا احنا الاتنين أنت ظالمنى وانا راضي صعبان على أقول لك كان والحب زى ماكان واكتر وافكر بليالى زمان واوصف فى جنتها واصور إنت النعيم والهنا وانت العذاب والضنى والعمر إيه غير دول إن فات على حبنا سنه وراها سنة حبك شباب على طول إنت اللى فات بنعيمه وراح وفات لى طيفه فى خيالى أسهر معاه الليل سواح عايش على العهد الخالي وانت اللى فات بضناه وشقاه وساب لى ناره فى ضلوعي أن مر ع الخاطر ذاكره تنزت من الوجد دموعى ياللى قضيت العمر معاك ارضى بجفاك واتمنى رضاك أنت النعيم والهنا وانت العذاب والضني والعمر ليه غير دول إن فات على حبنا سن وراها سنة حبك شباب على طول ياللى هواك فى الفؤاد عايش فى ظل الوداد انت الخيال والروح وانت سمير الأمل ييجنى الزمان ويروح وانت حبيب الأجل وازاى أقول لك كنا زمان والماضى كان فى الغيب بكره واللى أحنا فيه دلوقت كان ح يفوت علينا ولا ندرى ولما أكون وياك هايم فى بحر هواك مااعرفش إيه فات من عمرى إن كان رضا أو كان كان حرمان وافضل وبس أنت فى فكرى ياللي بحبك زى زمان
______________
قصة حبي
ذكريات عبرت أفق خيالي بارقا يلمع في جنح الليالي نبهت قلبي من غفوته جلت لي ستر أيامي الخوالي كيف أنساها وقلبي لم يزل يسكن جنبي إنها قصة حبي ذكريات داعبت فكري وظني لست أدري ايها أقرب مني هي في سمعي على طول المدى نغم ينساب في لحن أغن بين شدو وحنين وبكاء وأنين كيف أنساها وسمعي لم يذكر دمعي وأنا أبكي مع اللحن الحزين كان فجرا باسما في مقلتيها يوم أشرقت من الغيب عليا أنست روحي إلى طلعته واجتلت زهر الهوى غضاً نديا فسقيناه ودادا ورعيناه وفاء ثم همنا فيه شوقا وقطفناه لقاء كيف لا يشغل فكري طلعة كالبدر يسري رقة كالماء يجري فتنة بالحب تغري تتراك الخالي شجيا كيف أنسى ذكرياتي وهي في قلبي حنين كيف أنسى ذكرياتي وهي في سمعي رنين كيف أنسى ذكرياتي وهي أحلام حياتي إنها صورة أيا مي على مرأة ذاتي عشت فيها بيقيني وهي قرب ووصال ثم عاشت في ظنوني وهي وهم وخيال ثم تبقى لي على مر السنين وهي لي ماض من العمر وآت كيف أنساها وقلبي لم يزل يسكن جنبي إنها قصة حبي
________________
عودت عيني
عودت عيني على رؤياك وقلبي سلم لك أمري أشوف هنا عيني في نظرتك لي والقي نعيم قلبي يوم ما التقيك جنبي وان مر يوم من غير رؤياك ما ينحسبش من عمري قربك نعيم الروح والعين ونظرتك سحر والهام وبسمتك فرحة قلبين عايشين على الأمل البسام ان غبت يوم عني أفضل انا وظني يقربك مني ويبعدك عني واحتار في أمري معاه ومعاك وان مر يوم من غير رؤياك مينحسبش من عمري لو كنت خدت على بعادك كنت أقدر اصبر واستنى واسهر على ضي ميعادك لما الزمان يجمع بينا أبات على نجواك واصبح على ذكراك واسرح وفكري معاك لكن غالبني الشوق في هواك وإن مر يوم من غير رؤياك ما ينحسبش من عمري زرعت في ظل ودادي غصن الأمل وانت رويته وكل شئ في الدنيا دي وافق هواه انا حبيته ومهما شفت جمال وزار خيالي خيال انت اللي شاغل البال وانت اللي قلبي روحي معاك وإن مر يوم من غير رؤياك ما ينحسبش من عمري ويوم ما تسعدني بقربك الاقي كل الناس احباب ويفيض على نور حبك اقول مفيش في الحب عذاب الحب كله نعيم لا فيه عذول بيلوم ولا فيه حبيب محروم يا ريت يدوم للقلب صفاك واقضي طول العمر معاك ده ان مر يوم من غير رؤياك ما ينحسبش من عمري
_______________
دليلي احتار
ما بين وشوقي إليك وبين قربك وخوفي عليك دليلي احتار وحيرني تغيب عني وليلي يطول وفكري في هواك مشغول اقول امتى أنا وانت حنتقابل مع الأيام ولما القرب يجمعنا أفكر في زمان بعدك واخاف يرجع يفرقنا واقاسي الوجد من بعدك وبين بعدك وشوقي إليك وبين قربك وخوفي عليك دليلي احتار وحيرني ولما القاك قريب مني واقول البعد تاه عني اشوف عينيك تراعيني وقلبي من لقاك فرحان واشوفك بيني وبين عيني خيال البعد والحرمان واخاف ليفوت ليالينا واهيم في بحر اشجاني وتتبدد أمانينا واقاسي البعد من تاني اخاف في البعد توحشني واخاف في القرب تتركني قريب مني تناجيني وطيف بعدك يخايلني بعيد عني تناديني ومين يقدر يوصلني لا انا بصبر عى بعدك لحد عينيه ما تسلم ولا بافرح في يوم قربك واخلي الفرحة تتكلم يا ريتك حلم في جفوني أنام والقاك واعيش وياك آخر طيف اشوفه أنت يا ريتك فجر في عيوني أنام واصحى على فرحه وأول صورة اشوفها أنت وبين صورتك وبين طيفك اعيش والقلب متهني مش أفضل كل ما اشوفك أخاف ترجع تغيب عني
________________
أقولك ايه عن الشوق
أقولك ايه عن الشوق يا حبيبي أقولك ايه ومين غيرك داري بي اقول ليالي في هواك اسهر وافكر ومهما قلت لك في القلب اكتر شوية ناي اقول لك حبيبي يا ريت فيه اكتر من كلمة حبيبي اقولك ايه وايه يوصف هوايا وانا ف قلبي كلام مالوش نهايه دي أجمل كلمة في الدنيا حبيبي بقولها لك وبرضه مش كفاية ما قولش مناي كان حبك ده أكثر من اللي بتمناه وم الفرحة وانا جنبك باعيش في كل لحظة حياة وقلبي نعيمة ف قربك وانت فرحته ودنياه واقول لك ايه شوية اني اقولك يا حبيبي يا ريت فيه كلمة اكثر من حبيبي هواك هوه اللي خلا العمر غالي وبالثانية أحسبه مش بالليالي وأخاف أسرح تفوتني لمحه منك وم الدنيا اللي اجمل من خيالي هواك نسى الزمان طبعه وخذ منه الأمان لينا وداري عننا دمعه وخلاه ما دري بينا ونور للأمل شمعة وطمن بيه ليالينا واقول لك ايه شوية اني اقولك يا حبيبي يا ريت فيه كلمة اكتر من حبيبي وعودك في الخيال غالية علي وأجمل من حقيقة بيم ايديه واصدق كل كلمة قلتهالي واكذب في هواك ظني وعني يا ريت في كلمة أوصف بها حبك واقولها لك ما بين قلبي وقلبك ما يقدرش الكلام يوصف غرامي ولا أشواقي في بعدك وقربك واقولك إيه
سلوا كؤوس الطلا
سلوا كؤوس الطلا هل لا مست فاها واستخبروا الراح هل مست ثناياها باتت على الروض تسقيني بصافية لا للسلاف ولا للورد رياها ما ضر لو جعلت كأسي مراشفها ولو سقتنى بصاف من حمياها هيفلء كالبان يلتف النسيم بها ويلفت الطير تحت الوشي عطفاها حديثها السحر إلا أنه نغم جرت على فم داو فغناها حمامة ألايك من الشجو طارحها ومن وراء الدجى بالشوق ناجاها القت إلى الليل جيدا نافرا ورمت إليه اذنا وحارت فيه عيناها وعادها الشوق للاحباب فانبعثت تبكي وتهتف احيانا بشكواها يا جارة الأيك أيام الهوى ذهبت كالحلم ، آها لأيام الهوى آها
__________________
ح أسيبك للزمن
ح اسيبك للزمن لا عتاب ولا شجن تقاسي م الندم وتعرف الألم تشكي مش ح اسأل عليك تبكى مش ح ارحم عنيك ياللى ما رحمتش عنيه لما كان قلبى فى ايديك دارت الأيام عليك الزمن ح يدوقك فى البعد نارى الزمن هو اللي ح يخلص لى تاري كل غدر وكل ليل سهرتهولى كل هجر وكل جرح تركتهولي كله ح ترده الليالي الليالى عليك بدالى والزمن يوم من الأيام ح تحتاج عطف قلبي يوم من الأيام حتتلهف لقربي وانت مش ح تلاقى ابدا زى حبي والندم بعدي حيفضل جوه قلبك يألمك أكتر ما عيش العمر اعاتبك بكره تتماني أحاسبك أو ألومك أو اعاتبك مش ح حاسبك مش ح أعاتبك لأ دنا كفاية إنى سيبتك للزمن رايحه اسيبك للي ما بيرحم ولا تقدر عليه مش ح اقولك انت عارف الزمن راح يعمل ايه الزمن دايما حالات ياما بيغير حاجات كل ما بيدور بيبدل مطرح الضحك الآهات إشكى مش ح اسأل عليك إبكى مش ح ارحم عنيك ياللي ما رحمتش عنيه لما كان قلبى فى ايديك دارت الأيام عليك
_____________
_________________
نبض الاحساس مشرفه قسم الحياه الزوجيه
عدد المساهمات : 1145 نقاط : 1454 السٌّمعَة : 9 تاريخ التسجيل : 22/04/2009
موضوع: رد: أغانى السيده ام كلثوم الإثنين مايو 04, 2009 11:15 am
قصة الأمس
أنا لن أعود إليك مهما استرحمت دقات قلبي أنت الذى بدأ الملالمه والصدود وخان حبي فإذا دعوت اليوم قلبي للتصافي لن يلبي كنت لى أيام كان الحب لى أمل الدنيا ودنيا أملي حين غنيتك لحن الغزل بين افراح الغرام الأول وكنت عينى ، وعلى نورها لاحت أزاهير الصبا والفتون وكنت روحى ، هام فى سرها قلبى ولم تدرك مداه الظنون وعدتنى أن لا يكون الهوى ما بيننا إلا الرضا والصفاء وقلت لي إن عذاب النوى بشرى توافينا بقرب اللقاء ثم اخلفت وعودا طاب فيها خاطرى هل توسمت جديدا فى غرام ناضر ؟ فغرامي راح يا طول ضراعاتي إليه وانشغالى فى ليالي السهد ، والوجد عليه كان عندي وليس بعدك عندي نعمة من تصوراتي ووجدي يا ترى ما تقول روحك بعدي فى ابتعادي وكبريائي وزهدي عش كما تهوى قريبا ، أو بعيدا حسب أيامي جراحا ونواحا ووعودا وليال ضياعا وجحودا ولقاء ووداعا يترك القلب وحيدا يسهر المصباح والأقداح والذكرى معي وعيون الليل يخبو نورها فى أدمعى يالذكراك التى عاشت بها روحى على الوهم سنينا ذهبت من خاطرى إلا صدى يعتادني حينا فحينا قصة الأمس أناجيها واحلام غدي وأماني حسان رقصت فى معبدي وجراح مشعلات نارها فى مرقدي وسحابات خيال غائم كالأبد أنا لن أعود إليك مهما استرحمت دقات قلبي أنت الذى بدأ الملالة والصدود وخان حبي فإذا دعوت اليوم قلبي للتصاق لن يلبي
_________________
ح أقابله بكره
ح اقابله بكره وبعد بكره وبعد بعده وأقول له بكره ح اقابله بكرة ياعينى طيبى لقيت حبيبى وكان نصيبى أقابله بكره أقول له أهلا ويقول لى سهلا ويفوت نهارنا من غير ماندرى ولما أفوته أقول له بكره ح اقبله بكره يا قلبى جالك نديم خيالك واللى جرى لك عمره مايجرى أحفظ معاده واصون وداده وافرح بقربه فى العمر مره مادام ياقلبى ح تشوفه بكره وتقابله بكره فضلت وحدى أستنى بكره تاخذنى فكرة وتجيبنى فكره ولما قال لى ح أفضل تملى لو فات نهارى أشوفه بكره أقابله بكره وبعد بكره وأقابله بكره ياريت ياقلبى فى كل مره كل الاحبة يتقابلوا بكره ياطير ياشادى يالليل يانادى قولوا لحبيبى ح اقابله بكره ده العمر كله يهنا لنا بكره واقابله بكره
__________
ظلموني الناس
ظلمونى الناس ظلمونى والجانى فاتوه واتهمونى ظلمونى الناس ظلمونى والحق معايا وسقونى من مر أساهم ولا حنوا على ضعف ضنايا والدنيا على مساعداهم وانا قلبى كبير ولا لى نصير ولا أملك غير دمع عيونى ظلمونى الناس الظالم يعينوه على ظلمه ويزيدوا المسكين على همه الحق اهو باين فى إيدى ويقولوا دا الحق على والناس قاسيين على المساكين حاربونى الكل وغلبونى ظلمونى الناس سلمت إليك امرى ياربى غيرك مالقيت يرحم غلبى اليأس تغنيه من فضلك والبأس تنظر له بعدلك أنا صنع أيديك وتكالى عليك أنصرنى على اللى مانصفونى ظلمونى الناس
_______________
غلبت أصالح
غلبت اصالح فى روحى عشان ماترضى عليك من بعد سهدى ونوحى ولوعتى بين إيديك صعبان على اللى قاسيته فى الحب من طول الهجران مااعرفش أيه اللى جنيته من بعد مارضيت بالحرمان فضلت أقول الزمان غير على البعد حالك وإلا الرضا بالهوان كتر على دلالك وانا اللى أخلصت ف ودى وفضلت طول العمر أمين ياخد الزمان من ويدى وقلبك أنت على ضنين كنت أشتكى لك أيامى واشكى لمين ظلمك لى وكان رضاك نور احلامي لما الزمان يقسى على صبحت أشكى منك لروحى وفضلت أخبى عنك جروحى وبعدت عنك والفكر كان دايما ويالك والقلب منك غضبان فى دنيا الحب معاك مجروح وضامم جناحه على الجراح اللى فيه اليل يردد نواحه طول ما أليفه مجافيه لما الزمان اللى غدر به بعدك وكنت نديم شكواه رماك وجه السهم فى قلبه عطف عليك والجد ضناه حتى الزمان اللى كان عطفك يا عينى عليه خلانى أرضى الهوان وأسلم الروح إليه واسأل عنك والقلب كان غضبان منك واحمل همك وانا اللى طول بعدى ماهمك وابات اصالح فى روحى عشان ماترضى عليك وانسى سهادى ونوحي ولوعتي بين أيديك
________________
غنى الربيع
غنى الربيع بلسان الطير رد النسيم بين الأغصان والفجر قال ياصباح الخير يا صحبة الورد النعسان فرح بروحه الكون نادى وغنى وكل لحن بلون معنى ومغنى وانت ياغايب عن الحبايب ساكت عن القلب الحيران كلمنى، وهو اللي فات يتنسى والفكر عايش فيه طمنى، إن كان فؤادك قسي صابر وراضى بيه المية فى الأرض جفت والزهر ع الغصن نادى والشمس فى الغرب راحت وادى الشفق لسه بادي والطير سكت بعد ماغنى وادي صداه رايح غادي وانت يانور العين صوتك ياروحى فين ياللى أنت غايب عن الحبايب ماتكلم القلب الحيران فضلت عايش فى الأوهام لما اللى فات شفته تانى ولما فقت من الأحلام زاد فى بعادك حرماني راح اللى راح من الليالى والوهم راح من خيالى وانت ياغايب عن الحبايب ساكت عن القلب الحيران
__________________
هلت ليالي القمر
هلت ليالى القمر تعالى نسهر سوا فى نور بهاه يحلى مابينا السمر ويطول حديث الهوى سر الحياه يصعب على تفوت لياليه من غير مااشوف حسنك جنبى وأبات على الأيام أراعيه وأشوفه يكبر مع حبى أفضل أعد الليالى واقول وصالك قريب وابات أصور فى حالي لما الاقى الحبيب أقول أقابلك فين وأبدأ كلامى منين ولما اشوفك يروح منى الكلام وانساه من فرحة القلب ساعة مايلاقيك وياه هلت ليالى القمر تعالى نحيى السهر مااحلى القمر على شط النيل والجو رايق وهادي تعالى نسهر طول الليل وافرح واهنى فؤادي وانعم بقربك والبدر هايم واسعد بحبك والورد نايم والموج يناجى النسيم يحكى له قصة ها واحنا فى ظل النعيم والجو ردد لغانا وأفضل أعد الليالى وأقول وصالك قريب وأبات أصور ف حالى لما الاقى الحبيب يااللى القمر من بهاك نور فى قلبى سناه تعالى جدد صفاك تروق وتحلى الحياة مابين جمالك وبين حلاله وبدع حسنك وطيف خياله أسبح فى دنيا الخيال واهنى قلبى وعينيه وادوق نعيم الوصال والبدر شاهد علي
_____________
يا طول عذابي
ياطول عذابى وأشتياقى مابين بعادك والتلاقى ياما غالبت النوم وشكيت من طول غيابك عن عينى أقول لقلبى الوجد ده ليه مادام ح يعطف ويجينى أصبر مع الأيام تتحقق الأحلام وتشوف حبيب الروح جانى وجاد بقربه وهناني ونسيت ليالى الشوق والنوح وخفت وقتى يروح منى من غير ما أقول له ع اللى قاسيت أيام ماكان غايب عنى ووقتها تحتار أى الضنى تختار بعد الحبيب ولو انه يطول وانت ياقلبى كلك أمانى والا لقاه والصبر قليل والعمر يجرى ساعة التداني قابلته بعد الغياب وكان سلامى عتاب وبعد ماتملت عينى طال السكوت بينه وبينى بدى أقول له على اللى ضنانى والعين تدله عن طول هوانى سكت عن شكوى الهجران وحيرة القلب الولهان وقلت أصور له هناي ساعة ماأشوفه وياى لا قدرت أقول بعده ضنانى ولا قلت قربه هنانى وجيت أتكلم قلبى اتألم
________________
ياللى كان يشجيك أنينى
ياللى كان يشجيك أنينى كل ماأشكى لك أسايا كان مناى يطول حنيني للبكا وانت معايا حرمتنى من نار حبك وأنا حرمتك من دمعى ياما شكيت وارتاح قلبك أيام ماكنت أبكى وانعى عزة جمالك فين من غير دليل يهواك وتجيب خضوعى منين ولوعتى فى هواك فضلت احافظ على عهدى واسقى الوداد دمع عينى لما الزمان ضيع ودي وطول البعد على صبحت أحب الحب من بعد عشق الحبيب اهنى كل قريب واواسي كل غريب اضحك مع الفرحان وابكى مع الباكيين وأبات وانا حيران أصحك وابكى لمين وفضلت أعيش بقلوب الناس وكل عاشق قلبى معاه شربوا الهوى وفاتوا لى الكاس من غير نديم أشرب وياه ياللى بكاى شجاك وسمعت لحن الغزل من طول انيني ياما بكيت من جفاك وضحك لى طيف الأمل من بين جفونى لما نسيني رضاك والبعد جفاك عطف حالي على قلبي وعزاني فى تلويعي صبحت أبكي على حبي وتبكي انت على دموعي
__________
ذكريات
ذكريات عبرت افق خيالي بارقا يلمع في جنح الليالي نبهت قلبي من غفوته وجلت لي ذكرى ايامي الخوالي كيف انساها وقلبي لم يزل يذكر جمبي انها قصة حبي
ذكريات داعبت فكري وظني لست ادري ايها اقرب مني هي في سمعي على طول المدى نغم ينساب في لحن اغن بين شدو و حنيني وبكاء وانيني كيف انساها وسمعي لم يزل لم يزل يذكر سمعي وانا ابكي مع اللحن الحزين
كان فجرا باسما في مقلتي يوم اشرقت من الغيب عليه انست روحي الى طلعته وتلت ظهر الهوى ...... فسقيناهوا ودادا ورعيناهوا وفاءا ثم همنا فيه شوقا وقطعنا لقاه كيف لا يشغل فكري طلعت كالبدر يسري رقة كالماء يجري فتنة في الحب تغري تترك الخالي شهيا
كيف انسى ذكرياتي وهي في قلبي عليــــل كيف انسى ذكرياتي وهي في سمعي رنيين كيف انسى ذكرياتي وهي احلام حياتي انها صورة ايامي على مراتي ساقي عشت فيها بيقيني وهي قرب ووقار ثم عاشت في ظنوني وهي وهم وخيال ثم تبقالي على بر السنين وهي لي ماضي من العمر واتي
كيف انساها وقلبي لم يزل يذكر جمبي انها قصة حبي
__________
نبض الاحساس مشرفه قسم الحياه الزوجيه
عدد المساهمات : 1145 نقاط : 1454 السٌّمعَة : 9 تاريخ التسجيل : 22/04/2009
موضوع: رد: أغانى السيده ام كلثوم الإثنين مايو 04, 2009 11:16 am
فات الميعاد
فات الميعاد وبقينا بعاد بعاد والنار بقت دخان ورماد فات الميعاد تفيد ب أيه يا ندم يا ندم وتعمل ايه يا عتاب طالت ليالي ليالي الألم وتفرقوا الأحباب كفايه بأه تعذيب وشقى ودموع في فراق ودموع في لقى تعتب عليا ليه انا ب ايديه ايه فات الميعاد فات الميعاد
ياما كنت اتمنى قابلك ببتسامة او بنظرة حب او كلمة ملامه بس انا نسيت الأبتسام زي ما نسيت الألام والزمن بينسي حزني وفرحي ياما ان كان على الحب القديم ان كان على الجرح الأليم ستائر النسيان نزلت بقالها زمان ان كان على الحب القديم واساه انا نسيتوا انا يا ريت كمان تنسى
الليل ودقت الساعات تصحي الليل الليل وحرقة الأهات في عز الليل وقسوة التنهيد والوحده والتسهيد لسه ما همش بعيد وعايزنا نرجع زي زمان قول للزمان ارجع يا زمان وهات لي قلب لا داب ولا حب ولا انجرح ولا شاف حرمان
من ناري من طول لياليه ناري ناري ناري وفرحة العذال فيا من قسوتك وانت حبيبي وقسوة الدنيا عليا بيني وبينك وهجر وغدر وجرح بقلبي داريته بيني وبينك ليل وفراق وطريق انته اللي بديته بيني وبينك ليل وفراق وطريق انته اللي بيدته
تفيد ب أيه يا ندم يا ندم وتعمل ايه يا عتاب طالت ليالي ليالي الألم وتفرقوا الأحباب كفايه بأه تعذيب وشقى ودموع في فراق ودموع في لقى تعتب عليا ليه انا ب ايديه ايه فات الميعاد فات الميعاد
----------------------------
الحب كله
الحب كله حبيته فيك الحب كله وزماني كله انا عشتوا ليك زماني كله حبيبي قول للدنيا معايا ولكل قلب بدقته حس يا دنيا حبي وحبي وحبي ده العمر هو الحب وبس واسقيني واملئ واسقيني تاني اسقيني تاني من الحب منك من نور زماني اسقيني ياللي من يوم ما شفتك حسيت كأني اتخلقت تاني
روح قلبي يا حياة ايامي يا روح قلبي يا حبيبي يا ملاك احلامي احلامي يا روح قلبي انا كنت ايه قبل ما اشوفك انا كنت ايه وكنت عايش يا حبيبي ايامي ليه ايامي ليه طريق حياتي مشيته قبلك في ليل طويل لا قلب جمبي يحس بيا ولا طيف جميل ولما شفتك اول ما شفتك بكل شوق الدنيا لقيتني مشدود اليك وفي كل حب الدنيا انا جيتك وجريت عليك ناديت ناديت عالدنيا فحالها والكل قلبي بدقته حس يا دنيا حبي وحبي وحبي ده العمر هو الحب وبس
الهوى العطشان عطشان في قلبي بينده لك يا ارق من النسمة واجمل من ملاك انت روحي وكل عمري ونور حياتي يا حياتي ايه انا بالنسبه لك حبيبي ده انا مخلوق علشانك يا دوب علشانك علشانك انت وقلبي قلبي عاش على لمس حنانك يا دوب حنانك حنانك انت حلوة الايام حلوة حلوة الأحلام حلوة حلوة حياتي حلوة يا سلام حلوة بتمر قوام حلوة ويا حياتي يا زمان يا زمان يا زمان يا ليالي طويلة احلامها جميلة .... معاك يا زمان يا زمان يا زمان ياليالي بتجري بتقتل اماني وتفوتنا رماد فيها ايه لو تنسى اثنين في الحب دايبين عايشين عايشين نقول للدنيا بحالها والكل قلبي بدقته حس يا دنيا حبي وحبي وحبي ده العمر هوه الحب وبس
يا حبيبي يا عبير الشوق يا حبيبي يا نصيبي من ليالي الشوق يا حبيبي شعر ايه ده الكلام اللي ف عنيك خلا احلى كلام يغير عطر ايه ده العبير اللي ف ايديك بيقول ايديك هيا العبير من الربيع اللي ف شفايفك من الليالي اللي ف عنيك من اللهيب اللي ف خدودك من الحنان اللي ف ايديك رحلة تاهت روحي فيها وتهت فيها خبيني من الزمن خبيني وبعيد عن عيونه داريني عالفرحه الكبيره خوفي لا ياخدها ولا يخليني خلينا نقول للدنيا فحالها ولكل قلبي بدقته حس يا دنيا حبي وحبي وحبي ده العمر هوه الحب وبس
----------------------------------
رباعيات الخيام
سمــعت صـوتا هاتــفا فى السحـــر نادى من الغــــيب غفاة البشر
هبوا املأوا كــأس المــــنى قبل أن تملأ كأس العـــمر كف القدر
لا تشـــغل الـــــبال بماضى الزمان ولا بـــــآت العيش قبل الأوان
واغنم من الحـــــاضـــر لــــــــذاته فلـــيس فى طبع الليالى الأمان
غد بظـــهر الغـــيب والــــيوم لــى وكم يخيب الظـن فى المقــــبل
ولســــــت بالغافـــل حـــــتى أرى جمال دنـــــــياى ولا أجتـــــلى
القـــلب قـــد أضناه عشق الجــمال والصدر قد ضاق بما لا يقــال
يـــــارب هل يرضـــيك هذا الظما والماء يــــــنساب أمامى زلال
أولى بهذا القـــلب أن يخفــــــــــق وفى ضـــرام الحب أن يحرق
ما أضيع الـــيوم الذى مـــر بــــى من غير أن أهوى وأن أعـشق
أفـــق خفـــيف الــظل هذا السـحر نادى دع الـــــــنوم وناغ الوتر
فــــما أطـــال الـنوم عـــــمرا ولا قصر فى الأعمار طول السهر
فـــــكم تــوالى اللــــيل بعد النهـار وطال بالأنــــــــجم هذا المدار
فامش الهـــوينا ان هـــــــذا الثرى من أعين ساحـــــرة الإحورار
لا توحش النــــفس بخوف الظنون واغنم من الحاضر أمن اليقين
فقد تســـاوى فى الثرى راحل غدا وماض من الوف الســـــــنين
أطفىء لظى القلب بشهد الرضاب فإنما الايـــــــام مثل السحاب
وعــــيشنا طيف خيال فنل حظك مــــــنه قبل فوت الشــــــباب
لبست ثوب العيش لم استشـــــــر وحــــــرت فيه بين شتى الفكر
وسوف انــــضو الثوب عنى ولم ادرك لمــــــاذا جئت اين المفر
يا من يحـــــــار الفهم فى قدرتك وتطلب النفس حمى طاعـــتك
اســــكرنى الإثـــــــــــــم ولكننى صـــحوت بالآمال فى رحمتك
إن لم أكن اخلصـــت فى طاعتك فإننى أطمع فى رحمــــــــــتك
وانمــــــــــا يشـــــفع لى اننى قد عـــــشت لا أشرك فى وحدتك
تخفى عن الـــــناس سنى طلعتك وكل ما فى الـكون من صنعتك
فأنت محـــلاه وأنت الــــــــــذى تـــرى بديــع الصنع فى آيــتك
إن تفصل القطــــــرة من بحرها ففى مــــــــــــداه منتهى أمرها
تقاربت يارب ما بيننــــــــــــــــا مسافة البعد على قــــــــــدرها
ياعالم الأســـــــرار علم الـــيقين ياكاشف الضر عن البائسيــــن
ياقابل الأعـــــذار عدنا الى ظلك فاقـــــــبل توبـــــة التائبيــــــن
------------------------
Admin Admin
عدد المساهمات : 1016 نقاط : 1379 السٌّمعَة : 13 تاريخ التسجيل : 10/04/2009
موضوع: رد: أغانى السيده ام كلثوم الإثنين مايو 04, 2009 5:29 pm
الله عليكى انا بحب ثومة اوى
الحـــــ حروف ـــــب المدير العام
عدد المساهمات : 1270 نقاط : 1623 السٌّمعَة : 6 تاريخ التسجيل : 21/04/2009
موضوع: رد: أغانى السيده ام كلثوم الثلاثاء مايو 05, 2009 8:37 am
برافو عليكى نبض انا من عشاق ام كلثوم
نبض الاحساس مشرفه قسم الحياه الزوجيه
عدد المساهمات : 1145 نقاط : 1454 السٌّمعَة : 9 تاريخ التسجيل : 22/04/2009
موضوع: رد: أغانى السيده ام كلثوم الخميس مايو 07, 2009 8:21 pm
Admin كتب:
الله عليكى انا بحب ثومة اوى
اى خدم اللى انت عايزه قولى عليه
نبض الاحساس مشرفه قسم الحياه الزوجيه
عدد المساهمات : 1145 نقاط : 1454 السٌّمعَة : 9 تاريخ التسجيل : 22/04/2009
موضوع: رد: أغانى السيده ام كلثوم الخميس مايو 07, 2009 8:26 pm
الجمعة ديسمبر 05, 2014 1:09 am من طرف motazghonem39
موضوع: أغانى السيده ام كلثوم 
